නියෝජ්‍ය විදුහල්පති පණිවිඩය 

තරඟකාරී අධ්‍යාපන රාමුවක වේගවත් ගමනක් යන වත්මන් ශිෂ්‍ය ප්‍රජාව තුළ හික්මුණු සභ්‍ය සුජාත සිසු පිරිසක් සහිත මහාබෝධි මහා විද්‍යාලයේ සේවයට පැමිණීම මා ගුරු දිවිය තුළ හැරවුම් ලක්ෂ්‍යක් සටහන් වූ කඩ ඉමක් කොට දකිමි. සෘජු ඉලක්ක සහිත පැහැදිලි සැලසුම් සහිතව අධ්‍යාපනයේ ක්ෂේම භූමිය වෙත පිය මනින ඔවුහු අති ප්‍රසාර්හ කටයුතුය.' මා නිවත්ත අභික්කම' යන උදාන පාඨයටම සදිසි නොනැවතිම ඉදිරියට යන මාහැඟි ගතියෙන් යුක්තවූ මහාබෝධීන් කිසි දිනක පරාජිත නොවූ බව මා අසා ඇත.එකී අපරාජිත ගමනට මා ද  කොටස්කරුවෙකු වීම භාග්‍යයකි.වසර 18 ක් එකම පාසලක සේවය කොට ඒකාකාරී බවින් මිදීමට මා මහාබෝධියට වූ ආගමනය අර්ථවත් කරන්නට මාගේ දැනුම, අත්දැකීම් හා හැකියාවක් උපරිම ලෙස ප්‍රයෝජනයට ගතිමි.මහාබෝධිනවෝද්‍යයේ සෞභාග්‍යය දකින්නට අප යන මේ ගමන සාර්ථක වේවායි ඉත සිතින් පතමි.

නියෝජ්‍ය විදුහල්පති,

ගා/ මහාබෝධි මහා  විද්‍යාලය